Plantun de Prouvènço

Pèr coumpara dos planto d'encò nostre

Juncus striatus & Grimmia orbicularis

Juncus striatus

Juncaceae

Nom en français : Jonc strié.

Descripcioun :
Lou jounc-rega trachis en ribo de ribiero, dins li mueio e li pelouso bagnado. Fai un pau pensa au jounc-nousa, Juncus articulatus, subretout la meno emé de gròssi tèsto. Pamens se recounèis à si cambo e fueio regado (fotò), si tepalo e soun boursèu mai lounginèu, e peréu si grano pu longo e mens plato.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 15 à 60 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Juncus
Famiho : Juncaceae

Ordre : Poales

Coulour de la flour : Verdo
Petalo : 6
Ø (o loungour) flour : 4 mm
Flourido : Printèms - Estiéu

Sòu : Si (Ca)
Autour basso e auto : 0 à 400 m
Aparado : Noun
Mai à avoust

Liò : Ribiero - Mueio - Pelouso bagnado
Estànci : Termoumediterran à Subremediterran
Couroulougi : Mediterranenco-Atlantico
Ref. sc. : Juncus striatus Schousb. ex E.Mey., 1822

Grimìo-di-boursèu-redoun

Grimmia orbicularis

Grimmiaceae

Nom en français : Grimmie orbiculaire.

Descripcioun :
Aquesto mousso coumuno dóu gènre Grimmia trachis en couissin gris, sourne e redoun sus li roucas cauquié. Coume quàsi tóuti li mousso dóu meme gènre si fueio soun acabado pèr uno longo ciho ialino. Fai eisadamen d'espouroufite clina que de verd devènon aranjo.

Usanço :
Se destrìo de Grimmia pulvinata, enca mai coumuno, bonodi soun urno redouno (acabado emé uno pouncho pèr Grimmia pulvinata) e subretout au microuscope que si celulo de baso de fueio soun 4 à 8 cop pu longo que larjo (quàsi carrado pèr Grimmia pulvinata). Coumpara emé la grimìo-en-couissin que ié sèmblo proun.